Мэдээ

БАЙГУУЛЛАГЫН ТҮҮХ

БАЙГУУЛЛАГЫН ТҮҮХ
Сайтын хуудас

     Уулын баяжуулах “Эрдэнэт” үйлдвэрийн суурь тавигдаж эхэлсэн 1974 оноосэхлэн  Монгол-Зөвлөлтийн илгээлтийн эзэн залуучуудын дунд бүх нийтийн биеийн тамир, спортын олон төрлийн уулзалт,  уралдаан, тэмцээн зохион байгуулагдаж эхэлсэнтэй холбоотой юм.

     БНМАУ-ын Сайд нарын зөвлөлийн 1977 оны 03 дугаар сарын 25-ны өдрийн    89-р тогтоолоор Эрдэнэт хотын Биеийн тамир спортын “Эрдэнэт нийгэмлэгийн зөвлөл байгуулагдсанаар өнөөгийн Биеийн тамир, спортын хорооны суурь тавигдаж 06 дугаар сарын 29-ний өдөр биеийн тамир, спортын “Эрдэнэт нийгэмлэгийн анхдугаар баг хурал болж нийгэмлэгийг удирдах түр товчооны дарга, Эрдэнэт хотын АДХ-ын гүйцэтгэх захиргааны хариуцлагатай нарийн бичгийн дарга Ш.Дэлгэрцогт тайлан, илтгэл тавьж, тус бага хурлаас чөлөөт бөхийн барилдааны дэлхийн аваргын мөнгөн медальт, олон улсын хэмжээний  мастер Б.Жамсранг Биеийн тамир, спортын “Эрдэнэт нийгэмлэгийн даргаар сонгон баталж, дасгалжуулагчааар Т.Зэсбат /хөнгөн атлетик/, Т.Батсүх /спорт тоглоом/, С.Шаандар /сахиул/, Галбадрах /нярав/ ажиллаж эхэлсэн байна.

1980 оноос Биеийн тамир, спортын хороо;

      Засгийн газрын1991 оны тогтоолоор Залуучуудын спортын хороо;

Засгийн газрын 2008оны 67 дугаар тотооолоор аймгийн Засаг даргын дэргэдэх агентлаг болж 2009 оны79  дүгээр захирамжаар Биеийн тамир,спортын газар;

      Засгийн газрын 2013 оны 146 дугаар тогтоолоор Соёл, спорт, аялал жуулчлалын газар;

Засгийн газрын 2015 оны 08 тоот тогтоолоор Биеийн тамир, спортын газар нэртэйгээр үйл ажиллагаагаа  явуулж байна.

ҮЕ ҮЕИЙН УДИРДЛАГУУД:

чөлөөт бөхийн олон улсын хэмжээний мастер, агсан Б.Жамсран  1977-1980  онуудад

  волейболын спортын мастер Т.Батсүх 1980–1981 онуудад

агсан  Я.Дамбасүрэн 1981–1988 онуудад

агсан  Ш.Пүрэвдорж  1988–1994 онуудад 

волейболын спортын мастер, агсан  Н.Зулбаатар 1994-2013, 2016-2019 онуудад

Бөхийн чөлөөт барилдааны олон улсын хэмжээний мастер, аймгийн арслан Ж.Лхагвасүрэн 2013-2016 онуудад 

самбо бөхийн олон улсын хэмжээний мастер Д.Дэлгэрбаяр 2019 оноос ажиллаж байна 

 

Спортын А заал, Б заал, Эрдэнэт, спортамралтын хүрээлэн гэсэн 3 обьёктод үйл ажиллагаагаа явуулж байна

Хуцаалцах:

Холбоотой мэдээлэл