Эрдэнэт үйлдвэрийн Спорт цогцолборын дэргэдэх Туялзуур сэлмийн "Хангарди" клубын 10 жилийн ойд зориулсан "Хангарди цом-2025" тэмцээн өнгөрсөн амралтын өдрүүдэд амжилттай болж өндөрлөлөө. Нээлтийн үйл ажиллагааны үеэр Дэлхийн туялзуур сэлмийн холбооны Ази тив хариуцсан Тэргүүн, Монголын туялзуур сэлмийн холбооны Ерөнхий нарийн бичгийн дарга Д.Ганбаатар, Анхны олимпоос өнөөг хүртэл хүн төрөлхтний спортын их наадмын төрөлд багтаж буй Туялзуур сэлмийн спортыг дэмжин, Монголд хөгжүүлэх үйлсэд үнэтэй хувь нэмэр оруулан ажиллаж буй Эрдэнэт үйлдвэрийн удирдлага, уурхайчин хамт олонд чин сэтгэлийн талархал илэрхийлсэн юм.
Цомын төлөөх энэхүү тэмцээнд Дуэль, УБ фенсинг, ЛТ, Флеш зэрэг долоон клубын 300 орчим тамирчин авхаалж самбаа, техник ур чадвар, оюуны овсгоо, сэтгэлгээний хурдаа сорин өрсөлдөв. Эхний өдөр U8 ангиллын ганцаарчилсан төрөлд “Хангарди” спорт клубын бяцхан тамирчин О.Моломжамц мөнгө, Ц.Ундрахмөрөн хүрэл медаль хүртсэн бол багийн төрөлд Л.Пүрэвдорж, Ц.Ундрахмөрөн, О.Моломжамц, С.Эрдэнэ нар аваргын алтан медалийн эзэд боллоо. Эмэгтэй төрөлд Б.Маралгоо мөнгө, Л.Содгэрэл, А.Эмүжин нар хүрэл медаль хүртсэн юм. Харин U12 эрэгтэй ганцаарчилсан төрөлд Б.Сайханбилэг мөнгө, мөн багийн төрөлд А.Хурцболд, А.Бат-Итгэл, Б.Сайханбилэг, У.Ананд нар мөнгөн медаль хүртэв. U10 ангиллын эмэгтэй төрөлд М.Гоодарь, О.Энхлүүн, Э.Амин, Г.Гаадмаа нар аваргын алтан медаль энгэртээ зүүлээ. Багийн төрөлд А.Эмүжин, Л.Содгэрэл, О.Энхлэн, О.Инжир нар алтан медалийн эзэд болсон бол Б.Маралгоо, Б.Аминдарь, М.Гоотөгөлдөр, С.Марал нар хүрэл медалиар энгэрээ гоёлоо.
Багийн дүн, медалийн тоогоор Туялзуур сэлмийн “Дуэль” клуб “Хангарди цом”-ын эзэд болов.
Утас: +976 77717777 И-мэйл: orkhon@sport.gov.mn
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.