Аймгийн Засаг даргын 2024 оны 05 дугаар сарын 24-ний өдрийн А/382 дугаар захирамжаар батлагдсан бүтэц, орон тооны дагуу тус байгууллага нь Удирдлага захиргааны хэлтэс, Биеийн тамирын хэлтэс, Спортын хэлтэс гэсэн 3 нэгжтэй үйл ажиллагаа явуулж байна.Үүнд:
-Удирдлага захиргааны хэлтсийн чиг үүрэг:
Тус хэлтэс нь зохион байгуулалтын бүтцийн нэгжүүдэд архив, албан хэрэг хөтлөлтийг стандарт журмын дагуу явуулах, тэмцээн уралдааны төсөв санхүүг шийдвэрлэх, заал танхимд үйлчилгээ үзүүлэх ажлыг нэгдсэн удирдлагаар хангаж, зохих тушаал шийдвэрийг гаргаж, тогтоол шийдвэр, хууль тогтоомжийн төлөвлөлт, хэрэгжилт, тайлагналтыг үйл ажиллагааг зохион байгуулах, хяналт-шинжилгээ, үнэлгээ хийх чиг үүргийг хэрэгжүүлдэг.
-Биеийн тамирын хэлтсийн чиг үүрэг:
Биеийн тамирын бодлого, хөтөлбөр, төслийг хэрэгжүүлэх ажлыг зохион байгуулах, иргэдийн идэвхтэй аж төрөх орчинг бүрдүүлэх ажлыг төлөвлөн зохион байгуулах, иргэдийн бие бялдрын түвшин тогтоох сорилыг аймгийн хэмжээнд зохион байгуулах ажлыг мэргэжил,арга зүйн удирдлагаар хангах, фитнес, спиннинг клубын магадлан итгэмжлэлд хамруулах, хяналт тавих, аж ахуйн нэгж байгууллага дахь биеийн тамирын хамтлаг, арга зүйчдийг мэргэжлийн удирдлагаар хангах ажлыг зохион байгуулах чиг үүргийг хэрэгжүүлдэг.
-Спортын хэлтсийн чиг үүрэг:
Спортыг хөгжүүлэх бодлого,хөтөлбөр, төслийн хэрэгжилтийг зохион байгуулах,спортын тэмцээн,наадмын зохион байгуулалтыг боловсронгуй болгох, арга зүйн зөвлөгөө өгөх, тэмцээн уралдааныг спортын холбоодоор гүйцэтгүүлэхэд дэмжлэг үзүүлэх, спортын сургалт-дасгалжуулалтын орчин, хэрэглэл материалын стандартыг мөрдүүлэх, аймгийн Засаг даргын дэргэдэх өсвөрийн шигшээ багийн дасгалжуулагч, тамирчны хөгжлийг дэмжих, тэмцээн уралдаанд оролцуулж амжилтыг ахиулах, өвлийн болон үндэсний спортын өв соёл, хэв маягийг хадгалж хөгжүүлэх ажлыг зохион байгуулах, спортын төрийн бус байгууллагуудын чадавхыг сайжруулж,хамтын ажиллагааг сайжруулах чиг үүргийг хэрэгжүүлдэг.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.